Plas te Argjentina, trajneri përfshihet në abuzim seksual me një kuzhinier

Pak ditë para startit të Kupës së Botës, një stuhi e vërtet godet Argjentinën. Një gazetar argjentinas Gabriel Anello duke folur për “Radio Miter” ka zbuluar skandalin e trajnerit edhe kuzhinierin e skuadrës, të cilën Federata po e mban të fshehtë.

“Ka pasur një sjellje të papranueshme nga ana e Sampaolit në ambientin e klubit me një kuzhinier, i cili punonte atje. Federata e Futbollit në Argjentinë është duke bërë gjithçka që të mbajë lajmin të fshehtë. Por të gjithë njerëzit që unë kam folur, ma kanë konfirmuar ngjarjen e ndodhur”, ka thënë gazetari argjentinas.

Gazetari në fjalë në fakt është i padëshiruar në ambientin e klubit argjentinas, teksa në vitin 2016 ka zbuluar se Laveci pinte marijuanë në grumbullimin e Kombëtares. /Koha Jonë/