“Është një vendim që do të merret në muajt e ardhshëm, të shohim se çfarë do të ndodhë”, tha Toni Kroos vetëm pak ditë më parë në lidhje me rinovimin e kontratës që skadon qershorin e ardhshëm me Real Madridin.
Gjithsesi tashmë duket se vendimi është marrë nga mesufshori i njohur. Ditët e fundit ka pasur kontakte të drejtpërdrejta mes Kroos dhe Real Madridit, falë të cilave u arrit një marrëveshje përfundimtare.
Së shpejti gjithçka do të hidhet e zeza mbi të bardhë. Te Los Blancos nuk duan të humbasin një nga arkitektët e sukseseve të viteve të fundit, edhe pse këtë vit tregoi se është ende në nivele të larta.
