Aleksandar Vuçiç tha në takimin parazgjedhor në Kralevë se bisedimet dhe situata në Kosovë nuk do të jenë të lehta dhe se për 11 vjet dëgjon histori se e “humbën, tradhtuan dhe shitën Kosovën”, si dhe se Serbia nuk do ta njohë pavarësinë e Kosovës dhe do të vazhdojë të udhëheqë një politikë serioze dhe të përgjegjshme.
“A do të jetë e lehtë për ne bisedimet apo situata në Kosovë dhe Metohi? Jo, nuk do. Por për 11 vjet, mos harroni, ne dëgjojmë histori se si e humbëm Kosovën, si e tradhtuam dhe e shitëm Kosovën dhe pas 11 vitesh na tregojnë të njëjtën histori, pra, nëse jemi, atëherë pse të gjithë ende kërkojnë të njohim Kosovën dhe ne u themi: nuk do ta njohim Kosovën dhe do të vazhdojmë të udhëheqim një politikë serioze dhe të përgjegjshme”, ka theksuar Vuçiç.
Vuçiç tha se katër vitet e ardhshme do të jenë detyra të vështira për Serbinë, se zgjedhjet nuk janë lojë dhe se në to do të zgjidhet rruga e Serbisë.
