I mandatuari nga Partia Socialiste për çështjen e presidentit të ri, Taulant Balla edhe njëherë ka theksuar në konferencën me gazetarët, se nëse një nga kandidatët ka firmën e Sali Berishës, ata nuk e diskutojnë fare si kandidaturë për Presidentin e ri të vendit.
”Nëse arrijmë të bëjmë bashkë të gjithë deputetët e opozitës, përveç firmës së njërit, pra nëse për një nga kandidatët ndodhet firma e Sali Berishës ne nuk e diskutojmë. Unë besoj se procesi që kemi nisur edhe në grupet e tjera parlamentare duhet marrë në konsideratë përpjekja e tyre për të dalë me një kandidat të përbashkët”,-tha Balla ndër të tjera.
