Ardit Kërtusha, një figurë jo e panjohur politike, këtë të hënë ishte duke pirë kafe në një lokal të njohur në zonën e Currilave në Durrës me persona të tjerë kur nisi një konflikt verbal, ku më pas është qëlluar me armë në këmbë.
Ai fillimisht u dërgua në spitalin e Durrësit dhe më pas në Spitalin e Traumës në Tiranë, ku ndodhet nën kujdesin e mjekëve. Mësohet se Kërtusha nuk ka folur ende për policinë në lidhje me autorin e plagosjes. Autori dyshohet se është larguar drejt Tiranës.
Policia ka nisur marrjen e pamjeve të kamerave të sigurisë të disa objekteve përreth zonën së krimit për të zbardhur të plotë ngjarjen dhe janë ngritur postblloqe të shumta për kapjen e tij.
