Varianti ”Omicron” i koronavirusit në vend po dobësohet. Numri i rasteve të reja në javën e parë të shkurtit po tkurret, duke shënuar nivelin më të ulët në 24 orët e fundit.
Rënia e infektimeve të reja ka bërë që numri i personave të prekur nga koronavirusi të bjerë në 13 mijë e 608 ditën e djeshme, thuajse duke u përgjysmuar në raport me 25 janarin.
Përfaqësues të institucioneve të shëndetësisë shpjegojnë se ashtu si edhe me mutacionet e mëhershme të koronavirusit, kurba rënëse e infektimeve të reja fillon kryesisht në javën e 6 të aktivitetit të virusit.
