Real Madrid bën një përmbysje të madhe historike ndaj Bayernit, 2-1 në duelin e kthimit dhe shkon në finalen e madhe të “Wembley”, ku do të sfidojë Dortmundin.
45 minutat e para u mbyllën pa gola. Rasti më i pastër i përket madrilenëve në minutën e 13-të, me Vinicius që u ndal nga shtylla, ndërkohë që më pas Rodrygo nuk arriti që të mposhtë portierin Neuer. Te Bayerni ndërkohë Gnabry doli dëmtuar duke i lënë vendin Davies, ndërkohë që Kane goditi ngjitur me shtyllën.
Alphonso Davies shënoi super gol në minutën e 68-tën me një goditje shumë të bukur me të djathtën nga një pozicion i prirët. Reali hodhi në fushë Joselu në minutat e fundit, i cili do të rezultonte vendimtare, duke shënuar dy gola në pak minuta duke ngritur peshë “Santiago Bernabeo”-n.
Reali në finalen e madhe që do të luhet më 1 qershor do të sfidojë Borussia Dortmundin. /R.Lika-Koha Jonë/
