Premier League të dielën rezervon një super ndeshje mes Manchester United dhe Liverpool. Një takim interesant që vendos përball edhe dy sulmuesit më të mirë të skuadrave respektive, Salah dhe Ronaldo. Klopp e ka një përgjigje dhe për këtë diskutim.
“Të dy janë lojtarët më të mirë në mbarë botën. Unë do të thosha se këmba e majtë e Ronaldos nuk është e keqe, por ajo e Salah është më e mirë. Cristiano mund të jetë më i mirë në këmbën e djathtë dhe në ajër.
Të dy janë shumë të shpejtë, ndihen të uritur për të shënuar gola. Por nuk e kam menduar kurrë këtë temë, është diçka që nuk më intereson”, është shprehur tekniku gjerman në konferencën para duelit.
