Edison Ndreca është futbollisti më i ri i Kukësi. Ka qenë vetë skuadra verilindore me një njoftim në rrjetet sociale që ka bërë publik afrimin e ish-lojtarit të Bylisit, i cili pavarësisht rënies së ballshiotëve një kategori më poshtë shkëlqeu në sezonin e fundit me 6 gola dhe 1 asist me fanellën e Bylisit. Ndreca përveç se si mbrojtës krahu mund të përshtatet edhe si mesfushor ndërsa në karrierën e tij ka luajtur edhe me Teutën, Laçin e Kastriotin.
“Objektivat e Kukësit dhe projekti që klubi ka, më bindi dhe ma bëri më të lehtë zgjedhjen. Shpresoj që së bashku të bëjmë gjëra të mëdha dhe të rikthejmë titullin kampion në Kukës dhe Kupën e Shqipërisë. Për mua është kënaqësi që të vesh fanellën e Kukësit dhe do të jap më të mirën time! Forca Kukesi”, tha Ndreca.
