Potenciali i shqiptarëve në futboll, gjithmonë është vlerësuar nga ekipet e huaja. Mesfushori kuqezi, Ylber Ramadani po shkëlqen me Leçen dhe në këtë mënyrë ka rënë edhe në sytë e “big”-ëve të Seria A. Ai po konsiderohet si lojtari kryesor i Leçes duke qenë titullar i padiskutueshëm.
Drejtori sportiv i Interit, Piero Auzilio ka qenë në stadium duke parë nga afër takimin ndaj Monzës. Në atë sfidë, Ramadani ishte i jashtëzakonshëm teksa nuk pushoi për asnjë minutë në fushë.
Nuk mund të jetë e largët dita kur mesfushori do t’i bashkohej zikaltërve dhe shokut të tij në Kombëtaren shqiptare, Kristjan Asllanit.
