Paris Saint-Germain është duke marrë “frytet e para” të operacionit për transferimin e Lionel Messit. Ylli argjentinas zbarkoi të martën në Paris, ndërkohë që dje bëri prezantimin zyrtar.
Lojtari 34-vjeçar nënshkroi kontratë dyvjeçare me mundësi vazhdimi edhe për një vit, ku do fitojë 35 milionë euro në sezon. Tifozët e klubit parisien janë të entuziazmuar me transferimin e ri, e që janë duke tentuar që të marrin sa më shpejtë fanellën e tij. Presidenti Nasser Al-Khelaifi bëri ditur se ata presin që të thyejnë rekord me shitjen e fanellave të Messit, duke shtuar edhe të ardhurat e tyre.
Tashmë janë parë radhë të gjata të tifozëve që presin ta marrin fanellën me emrin e argjentinasit dhe me numrin 30 në shpinë mbi të. Një fanellë kushton 187.99 dollarë (160.54 euro), por çmimi ndryshon në bazë të moshës apo gjinisë.
