Partizani blindon qendrën e mbrojtjes me një tjetër element që vjen nga Maqedonia e Veriut, duke e kompletuar këtë repart pas largimit të Eneo Bitrit.
Klubi i kuq ka zyrtarizuar marrëveshjen me Aleksandar Damçevskin, i cili vjen pas një përvoje trevjeçare me skuadrën armene, Ararat-Armenia. 28-vjeçari ka firmosur për një sezon, me opsionin e riniovimit edhe një sezon tjetër.
“FK Partizani zyrtarizon arritjen e marrëveshjes me Aleksandar Damcevskin. Qendërmbrojtësi 28 vjeçar nga Maqedonia e Veriut ka nënshkruar me të kuqtë një kontratë 1 vjeçare me opsion rinovimi edhe për një tjetër sezon”, shkruhet në njoftimin e Të Kuqve.