Partizani fiton sërish në minutat e fundit, për herë të katërt radhazi në kampionat. Të kuqtë triumfuan minimalisht 1-0 ndaj Laçit, në një ndeshje të luftuar deri në sekondat e fundit.
Një gol i shënuar nga Taipi në minutën e 94-t, i dha fitoren Partizanit, me një goditje të bukur me kokë brenda zonës.
Ishte një ndeshje e ekuilibruar, por një episod në fund vendosi gjithçka. Partizani i bashkohet Egnatias në krye me 23 pikë, ndërsa Laçi mban vendin e katërt me 14 pikë.