Situata në veri të Kosovës është shumë e tensionuar. Ministri i Punëve të Jashtme të Serbisë, Ivica Daçiç thotë se nëse krteministri Albin Kurti do të dërgojë policinë shqiptare në veri të Kosovës, serbët do të rezistojnë.
“Asnjëherë nuk ka pasur policë shqiptarë në veri të Kosovës dhe nëse ndodh, serbët do rezistojnë dhe askush nuk mund t’i ndalë. Nëse kryeministri i Kosovës, Albin Kurti dërgon policinë në veri, mund të ketë konflikte të armatosura dhe këtë e dinë të gjithë”.
Duke iu referuar planit franko-gjerman, ai deklaroi se është e papranueshme që të vlerësohet unanimisht në seancën e Këshillit të Sigurisë Kombëtare, sepse thelbi është që Serbia të njohë drejtpërdrejt apo tërthorazi Kosovën.
