Korça renditet ndër bashkitë që ka një numër të lartë të familjeve rome dhe egjiptiane në territorin e saj. Aktualisht numërohen rreth 22 mijë e 500 persona të këtij komuniteti, të cilët jetojnë në zona të caktuara ku nuk është e vështirë të identifikosh gjendjen në të cilën ndodhen.
Bashkia prej vitesh ka nisur zbatimin projekteve të ndryshme që synojnë integrimin e tyre në jetën sociale dhe ekonomike, arsimin si dhe përmirësimin e kushteve të jetesës dhe banimit. Por rezultatet nuk janë të kënaqshme pasi vetë anëtarët e këtij komuniteti i neglizhojnë këto kurse.
Një tjetër problematikë e trajtimit të këtij komunitetit është fakti që ata lëviznin shpesh duke mos u regjistruar për të përfituar nga programet sociale dhe ato të strehimit.
