Kryeministri Edi Rama, gjatë prezantimit të buxhetit 2022 për sektorin e peshkimit, nuk i kurseu batutat me peshkatarët në portin e Durrësit.
Kryeministri bëri me dije investimin që do të kryhet në portin e Vlorës gjatë vitit të ardhshëm. Ai theksoi se porti i ri që pritet të ndërtohet do të jetë më i mirë se ai i Durrësit dhe ndaj i sugjeroi peshkatarët të zgjerohen dhe në Vlorë tashmë.
“Më vjen shumë keq për ju durrsakët se jam dhe deputeti juaj, por ai porti i peshkimit në Vlorë do jetë më i mirë se ky. Molo kështu që zgjero flotën e peshkimit ço dhe ca në Vlorë, kap dhe Vlorën tani, por kujdes aty se je shumë demokrat për të qenë i mirëseardhur, kështu duhet të jesh çik më i qetë”. tha Rama.