Këtë të hënë, Jamarbër Malltezi ka dalë para Gjykatës së Posaçme për të mësuar nëse do të miratohet apo jo masa e sigurisë “arrest me burg” ndaj tij, dhënë nga SPAK-u, pas akuzave për korrupsion dhe pastrim parash. Seanca është ndërprerë dhe do të rifillonte në orën 16:00, me kërkesë të avokatëve mbrojtës të Malltezit dhe ndërtuesit Fatmir Bektashi. Avokatët e tyre kërkuan 2 orë kohë për t’u njohur me aktet e dosjes ndërsa pas përfundimit të këtij afati, kërkuan edhe 2 orë të tjera kohë.