Tirana pësoi humbje. Disfata erdhi ndaj Kastriotit në një ndeshje nga e cila bardheblutë treguan fare pak nga pretendimet e tyre për titullin kampion. Krutanasit i kishin bërë mirë detyrat e shtëpisë, duke qenë të ndërgjegjshëm se kë kishin përballë.
Orges Shehi e dinte vështirësinë e kësaj ndeshjeje, por sipas teknikut, skuadra e tij nuk u përshtat me terrenin e stadiumit të Kamzës.
“Në jemi skuadër që tentojmë të luajmë. Ndoshta kundërshtari përshtatet më mirë në terren të tillë E dinim qe kjo lojë mund të vendosej me topat e parë dhe të dytë kështu u ndëshkuam dhe e kë të vështirë pastaj”.
Kurbinasit e Mirel Josës fituan sfidën direkte me Kukësin. Vllaznia nuk e la Partizanin t’i afrohet në renditje duke barazuar në ndeshjen e luajtur në kryeqytet. Me fitoren e 4 në 21 ndeshje kampionat, Egnatia doli nga zona e rrezikut, ndërsa Dinamo, po përjeton ende krizën pas humbjes së radhës me Teutën.
