Të paktën 46 persona janë gjetur të vdekur në një kamion të braktisur në periferi të San Antonio, Teksas, mbrëmjen e së hënës.
Një zyrtar zjarrfikës tha për BBC se 16 persona, përfshirë katër fëmijë, ishin dërguar gjithashtu në spital. Të mbijetuarit ishin të goditur nga nxehtësia dhe lodhja.
San Antonio, i cili është 250 km (150 milje) nga kufiri SHBA-Meksikan, është një rrugë kryesore tranziti për trafikantët e njerëzve.
Trafikantët e qenieve njerëzore shpesh përdorin kamionë për të transportuar emigrantë pa dokumente, pasi i takojnë në zona të largëta pasi të kenë arritur të kalojnë në Shtetet e Bashkuara.
“Ata kishin familje… dhe me gjasë po përpiqeshin të gjenin një jetë më të mirë,” tha kryebashkiaku i San Antonio, Ron Nirenberg. “Nuk është asgjë më pak se një tragjedi e tmerrshme njerëzore.”
Shefi i zjarrfikësve të San Antonios, Charles Hood, tha se automjeti, i cili ishte braktisur nga drejtuesi i tij, nuk kishte ajër të kondicionuar dhe nuk kishte ujë të pijshëm brenda.
