Media serbe ”B92” i ka bërë jehonë fjalës së presidentit serb Aleksandër Vuçiç, i cili po kërkon të nxisë sërish tensione në veri. ”Lajme katastrofike për njerëzit tanë, plan i ri i shqiptarëve në Kosovë e Metohi”.
Pas takimit me kryeparlamentarin Ivica Daçiç, presidenti serb është shprehur se në 6 nëntor, ekzkutivi kosovar mund të nisë aksionin për marrje nën kontroll të stacionit “Valaç” në afërsi të Zveçanit.
Përmes këtij stacioni shpërndahet 85 për qind e energjisë elektrike për veriun. “Nuk jam i sigurt se kjo do të jetë gjë e mirë edhe për ta. Duhet ti mendojnë mirë veprimet e tyre. Ne mund të ndërmarrim veprimet që na diktohen pa fajin tonë”, ka thënë Vuçiç.
