Këtë të hënë u mblodh grupi parlamentar i Partisë Socialise. Kryetari Blendi Çuçi, tha se në seancën e ditës së enjtes në Kuvend do të kalojnë për votim dy marrëveshje dhe dy projektligje me rëndësi, por që duan 84 vota që PS nuk i ka e vetme. Njëra është amnistia penale që 600 të burgosur e presin për të dalë nga burgu.
Nënkryetari i Partisë Demokratike së vulës, Kreshnik Çollaku thotë se votat e grupit të Bashës do jepen vetëm në këmbim që përfitues të jenë edhe protestuesit e PD përgjatë 1 tetor 2018 deri në 31 dhjetor 2020.
”Ne kemi deklaruar dhe qëndrojmë deri në fund se ne do të kushtëzojmë votën me amnistinë të plotë të çdo protestuesi të PD në 12 vjet opozitë. Njerëzit janë penalizuar nga mazhoranca, janë vënë nën akuzë, janë nëpër gjyqe. Vota jonë do jetë e kushtëzuar në çlirimin e plotë të protestuesve të PD. Vota jonë do përdoret për të lehtësuar opozitarët. Nëse s’do çlirohen deri te demokrati i fundit vota ynë s’ka për të qenë”.
