Drejtorët dhe trajnerët e Barcelonës nuk kanë folur kurrë për sezone tranzicioni, sepse një ekip si ai katalanas është i detyruar të konkurrojë gjithmonë për të fituar gjithçka. Viti financiar 2022-2023 nuk do të bëjë përjashtim.
Sekretariati teknik ka për detyrë të përforcojë skuadrën që të rikthehet në rrugën e titujve dhe të lërë pas statistikat zhgënjyese të tri sezoneve të fundit: vetëm një sukses në 13 gara, Kupa e Mbretit 2020-2021.
Xavi Hernández synon lart. Trajneri nga Egari i ka bërë kërkesa të mëdha klubit që të garojë sërish me garancitë maksimale për të gjithë titujt: La Liga, Champions, Kupë dhe Superkupë e Spanjës.
Ai ka tashmë një ekip konkurrues, ka marrë lojtarë me performancë të menjëhershme. Trajneri, pasi analizoi mangësitë e skuadrës, e kishte të qartë diagnozën dhe pozicionet për të përforcuar: mbrojtësit e krahut, boshtin e mbrojtjes, mesfushën dhe sulmin.
Në portë ka Ter Stegen dhe Iñaki Peña si portier të dytë. Në anën e djathtë, ai pret ardhjen e Azpilicueta dhe do të mbajë Destin. Në krahun e majtë ka Jordi Alba, në skuadër që nga sezoni 2012-2013, dhe Marcos Alonso (ardhur nag Chelsea).
Në boshtin e pasmë mban Piqué (14 sezone), Araujo dhe Eric; ndërsa tashmë ka nënshkruar me Christensen (Chelsea) dhe synon Koundé. Në mesfushë ai vazhdon të mbështetet te kapiteni Busquets dhe të rinjtë Pedri, Gavi dhe Nico, si dhe Sergi Roberto, i cili rinovoi në qershor. Në këtë repart, Xavi tashmë ka një shtesë të re, Kessie.
Ai është gjithashtu në pritje të asaj që do të ndodhë me De Jong. Holandezi, nëse do të shkonte në Premier League, do të duhej të zëvendësohej nga një tjetër lojtar cilësor, që mund të ishte Bernardo Silva (Manchester City).
Në repartin e përparmë, Xavi vazhdon t’i besojë gabonezit Aubameyang, i cili performoi në një nivel të lartë pas mbërritjes në merkaton e dimrit. Njëherazi, pret “thesin me gola” nga Leëandoëski, i cili duhet të jetë lideri i ekipit për shkak të efektivitetit dhe lidershipit të tij. Në krahun e majtë ka Ferran dhe Ansu Fati, ndërsa në të djathtë Dembélé. Trajneri katalanas, përveç kësaj, siguroi Raphinha për ta dubluar këtë pozicion.
Një skuadër që në letër i jep Barçës statusin e kandidatit në të gjitha garat e sezonit 2022-2023. Me këtë transformim, skuadra azulgrana do të konkurrojë sërish për të gjithë titujt. Synimi kryesor është të rikuperojë prestigjin e humbur vitet e fundit, veçanërisht në kompeticionet evropiane, pas eliminimeve të përsëritura dhe të dhimbshme.
