Sali Berisha mblodhi strukturat e partisë së Tiranës, për t’iu thënë se rezistenca opozitare do të nisë të enjten në parlament për të mos u ndalur më deri kur të sigurohet vota e lirë.
”Unë dua t’u informoj ju dhe të gjithë demokratët se qëndresa do fillojë nga Parlamenti. 43 deputetët e PD-së nisin ditën e enjte, qëndresën e tyre në parlament. Nuk ka më nënshtrime dhe poshtërime nga një horr, nga një kriminel, nga një njeri i cili nuk ka asnjë parim, nga një njeri që është i gatshëm të shesë dhe blejë gjithçka për pushtetin e tij”,-tha Berisha.
