Chelsea është rikthyer te fitoret në kampionat, duke fituar minimalisht 1-0 ndaj West Ham. Londinezët vuajtën jo pak edhe në këtë derbi, teksa zgjidhja erdhi vetëm në minutën e 90-të me amerikanin Pulisic, që ia doli të dërgojë topin në rrjetë e t’i japë tre pikët Chelsea-t, që blindon pozitat në vendin e tretë.
Soputhampton mori një pikë në transfertën ndaj Brighton, falë barazimit 2-2. “Shenjtorët” e nisën sfidën pa Armando Brojën dhe shumë shpejt e panë veten në disavantazh të dy golave, por kapiteni Ward-Prowse shënoi dy herë duke u dhënë një pikë. Armando Broja u aktivizua në minutën e 79-të, por pa arritur të lërë gjurmë në ato pak çaste që qëndroi në fushën e lojës.
