Italia dhe Spanja do të përballen të martën për llogari të gjysmëfinales së kampionatit Europian. Statistikat dhe kuriozitet tregojnë se në tapetin e gjelbër të Ëembleyt-t do të zbresë një pjesë e mirë e historisë së futbollit në kontinentin e vjetër.
Dy kombëtaret janë ndeshur 36 herë mes tyre. 11 janë fitore të Italisë, 12 ndeshje janë mbyllur në favor të Spanjës, ndërsa 13 sfida janë ndarë në barazim. Në 14 përballjet e fundit, Italia ka fituar vetëm dy herë kundër Spanjës. Një miqësore 2-1 në 2011 dhe në 1/8 e Europianit të kaluar ku Italia fitoi 2-0 me golat e Chiellini-t dhe Pelle-s.
Italia dhe Spanja janë përballur tetë herë me njëra-tjetrën në Europian dhe Botëror, ndërsa kjo do të jetë e nënta. 8 sfidat e mëparshme janë ndarë në 4 fitore për Italinë dhe 4 për Spanjën, një prej tyre me penallti.
