Tifozët holandezë janë përfshirë në një tjetër sherr pranë një hoteli të njohur në këtë zonë të Tiranës, konkretisht pranë zonës së njohur si “Pallati me Shigjeta”.
Kurse më herët tifozët e përqendruar te rruga “Mustafa Matohiti” janë përleshur me policinë, në momentin kur tentuan të marshojnë në këmbë drejt tifozëve të Romës, pranë stadiumit.
Ata kanë qëlluar me gur dhe shkopinj drejt policisë, duke plagosur një efektiv. Policia ka ndërhyrë duke shpërndarë tifozët në disa rrugica.