Dita e sotme kishte rezervuar një lajm aspak të mirë për Juventusin. Federico Chiesa, i cili ditën e djeshme u dëmtua në gju në ndeshjen ndaj Romës, i ka thënë lamtumirë sezonit.
Mesfushori italian do të operohet në ligamentet e gjurit të majtë ditët në vijim dhe kjo do të thotë që do të kthehet në fushë vetëm në fillimin e sezonit të ardhshëm.
Përveçse nuk do të ndihmojë dot Juventusin në Serinë A, me bardhezinjtë që renditen në vendin e pestë, Chiesa nuk do të luajë as ndeshjet e rëndësishme të Italisë në “play off”-in e Botërorit, ndaj Maqedonisë së Veriut dhe, nëse fiton, ndaj Turqisë ose Portugalisë.
