Kylian Mbappe ishte heroi i PSG mbrëmjen e djeshme ndaj Real Madridit, duke shënuar një gol në sekondat e fundit. Sulmuesi francez shpiku një veprim nga hiçi duke lënë të shokuar mbrojten madrilene.
“Donim të ishim gati për mbrëmjen, një lojë që të gjithë duan ta luajnë. Ne duhej të sulmonim menjëherë, pa u emocionuar pasi donim të fitonim. Jemi të kënaqur me avantazhin e lehtë, tani do të na duhet të përgatitemi edhe për kampionatin dhe jemi të lumtur për të luajtur një ndeshje të bukur më 9 mars.
Goli? Kisha besim. Ishin dy lojtarë kundër meje, kishte hapësirë, u kthye mbrojtësi dhe gjeta hapësirë në mes. Më pas godita mes këmbëve të Courtois.
Ka shumë pyetje tani, Reali është një klub i madh, por unë jam lojtar i PSG-së. Do të jap gjithçka dhe e kam treguar edhe në këtë ndeshje dhe do ta bëj edhe në ndeshjen e kthimit”, deklaroi Mbappe.
