Pas 4 sezoneve fantastike me Napolin, Hirving Lozano duket se do të largohet në fundin e këtij sezoni, edhe pse fitoi titullin kampion.
Sipas raportimeve të prestigjiozes italiane, klubi duket se e pret një largim të meksikanit dhe tashmë ka nisur punën për gjetjen e zëvendësuesit të tij, teksa një objektiv është anësori nga Kosova i Lille, Edon Zhegrova.
24-vjeçari ka bindur në sezonin e tij të dytë te Lille, teksa në 21 përballjet e Ligue 1 ka shënuar 3 gola e ka dhuruar 4 herë asist për shokët e tij.
De Laurentiis e pëlqen edhe për faktin se vlera e kartonit të tij është 10 milionë euro, ndërkohë që ka marrëdhënie të mira me Lille, klub nga ku mori dhe Osimhen.
