Houssem Aouar po luan sezonin e fundit me Lyonin. Mesfushori ka vendosur të mos rinovojë kontratën me klubin francez, teksa për shërbimet e tij ka interesim nga Italia dhe Spanja.
Aouar më parë ka qenë dhe në listën e dëshirave të Juventusit, por transferimi në Torino asnjëherë nuk ndodhi. Jose Mourinho ndërkohë ka qenë një strateg që e ka ndjekur me shumë interes.
Real Betis është klubi tjetër që po tenton të bindë Aouar dhe madje duket më e avantazhuar. Shtypi spanjoll shkruan se klubi andaluzian ndodhet në bisedime intensive me agjentin e lojtarit me origjinë nga Algjeria, akordi është çështje kohe.