Gerard Pique nuk e ka harruar ende plotësisht eliminimin e Spanjës në Euro 2020. Mbrojtësi i Barcelonës ka sulmuar sërish Italinë. Së pari ai ka komplimentuar ekipin e Roberto Mancinit në Tëitter: “Italia fitoi me meritë Euro 2020. Urime, ekipi kombëtar më i mirë në të gjithë kompeticionin.
Sigurisht, fakti që Italia ishte e para që nisi serinë e penalltive i ndihmoi jo pak ata. Kjo i lejoi ata të humbasin një penallti, si kundër Spanjës dhe më pas të mbanin sërish shpresat gjallë”.
Humbja spanjolle dhemb akoma pasi është goditja e dytë ndaj Italisë në pak ditë. Qendërmbrojtësi i Barcelonës kishte deklaruar, pas gjysmëfinales me Spanjën, se të kaltërit e Mancinit kishin qenë “favoritët” në momentin e goditjes së 11 metershave ndaj La Rojas.
