PSG ka arritur një fitore spektakolare me përmbysje 2-1 ndaj kampionëve në fuqi të Lille. Skuadra parisienë nuk e nisi aspak mirë duelin, pasi do të gjendej në disavantazh pas 31 minutash. Jonathan David shënoi në portën e Donnarummas duke pllakosur heshtjen në “Parc des Princes”.
Sfida u komplikua akoma më shumë në fillimin e pjesës së dytë, pasi Messi nuk doli më në fushë për shkak të një dëmtimi, duke i lënë vendin Icardit. Marquinhos shënoi golin e barazimit si një sulmues i vërtet në minutën e 74-të.
Vendasit morën zemër nga goli, teksa në minutën e 88-të shënuan dhe golin e fitores me Di Marian. PSG shkëputet në krye me 31 pikë, 10 më shumë se Lens. /R.Lika-Koha Jonë/
