Trajneri i Manchester United, Erik ten Hag, ka mbetur shumë i zhgënjyer nga Cristiano Ronaldo në miqësoren e luajtur më 31 korrik kundër Rayo Vallecano.
Trajneri holandez ka pohuar se asnjë lojtar nuk duhet të largohet herët nga stadiumi. Çdo lojtar duhet të respektojë pjesën tjetër të ekipit dhe duhet të qëndrojë deri në fund të lojës.
“Sigurisht që jo, kjo është e papranueshme. Për të gjithë. Unë u thashë atyre se është e papranueshme. Se ne jemi një ekip, një skuadër. Dhe se ju duhet të qëndroni deri në fund”, deklaroi ten Hag.
