Bayern Munich është në kërkim të një zëvendësuesi për Robert Lewandowskin. Një nga objektivat primar është Dusan Vlahovic. Klubi gjerman është i gatshëm për të negociuar me Juventusin për shërbimet e yllit serb, por pa shpenzuar 80 milionë eurot e kërkuara nga bardhezinjtë për të.
Bayern po përpiqet të bindë Juventusin me të gjitha mënyrat edhe pse nuk do ta ketë të lehtë. Sipas “Sportmediaset”, kampionët e Gjermanisë i kanë propozuar “Zonjës së Vjetër” mbrojtësin Benjamin Pavard dhe një shumë të konsiderueshme parash për të arritur te sulmuesi 23-vjeçar.
Gjithashtu, Juventusi është në kërkim të një mbrojtësi anësor sepse Juan Cuadrado me shumë gjasa do të largohet në verë. Pavard është një nga alternativat më të mira, i cili pëlqehet edhe nga Allegri.