FIFA konfirmoi finalistët për çmimin “Puskás”, i cili vlerëson golin më të bukur të vitit 2021. Erik Lamela është kandidati i parë, pasi realizoi një perlë të vërtetë në Premier League, gjatë sfidës së 14 marsit të kaluar me Arsenalin.
Në garë është edhe sulmuesi i Republikës Çeke, Patrik Schick, i cili shënoi një super gol nga mesfusha në ndeshjen ndaj Skociasë.
Konkurrenti i tretë është iraniani Mehdi Taremi, për golin e realizuar më 13 prill, në ndeshjen e Champions League ndërmjet Chelsea dhe Porto.
Fituesi i vitit 2021 do të shpallet më 17 janar, nëpërmjet një ceremonie virtuale, nga zyrat qendrore të FIFA-s në Zyrih.