”Një foto të pabesueshme”, e cilëson tabloidi britanik ”Daily Mail”, atë që përjetëson momentin kur një burrë i cili kultivonte kanabis në një “shtëpi bari” në Britaninë e Madhe, përpiqet t’i shpëtojë policisë.
Ai është shqiptari Etmont Lika, 32 vjeç, dhe është fotografuar teksa fshihet në çati, ndërsa policia ka hyrë në banesën e përshtatur për rritjen e lëndëve narkotike.
Siç thotë media britanike, shqiptari ishte shfaqur përmes një video lidhjeje në një gjykatë të Liverpulit, pasi u shpall fajtor për një prej akuzave që lidhej me prodhimin e kanabisit.
Policia e kapi në muajin shkurt, pas zbulimit të 200 rrënjëve të kanabisit. Lika është dënuar me 2 vite e 4 muaj burg.
