Nuk ka aspak lajme të mira te Milani në prag të duelit ndaj Juventusit, që do të luhet të dielën në mbrëmje. Stefano Pioli nuk do të ketë të gatshëm të pezulluarit Mike Magnan dhe Theo Hernandez, teksa së fundmi është dëmtuar edhe portieri i dytë.
Marco Sportiello ka probleme muskulore dhe nuk do të jetë i gatshëm për klasiken e fundjavës përballë bardhezinjtë të Allegrit. Në këtë mënyrë, mbetet që të aktivizohet Antonio Mirante, portieri i tretë.
40-vjeçari, pjesë e kuqezinjve prej tetorit të vitit 2021, do të luajë ndaj “Zonjës së Vjetër” ndeshjen e parë si titullar në Serie A. Kujtojmë që Mirante ka qenë pjesë e Juventusit për 6 muaj në vitin 2008.