Jose Mourinho është një trajner që di ti mbaj premtimet. Pas fitores së Romës ndaj Genoas falë një dygolëshi të talentit ganez të skuadrës së të rinjve Felix Afena-Gyan, Mourinho i kishte premtuar lojtarit se nëse do të shënonte ndaj Genoas do t’i blinte një palë atlete të një firme të njohur të cilat Afena-Gyan i pëlqente dhe që kushtonin 800 euro.
Afena-Gyan e nderoi Mourinhon në sfidën ndaj Genoas dhe të hënën Special One e thirri 18-vjeçarin afrikan në zyrën e tij në qendrën stërvitore të Romës, për t’i dorëzuar atletet që i kishte premtuar.
Sulmuesi i talentuar falënderoi Mourinhon për dhuratën ndërkohë që Special One deklaroi se i vjen keq për Daniele De Rossin që është trajneri i skuadrës Primavera sepse për disa kohë, Afena-Gyan do të jetë pjesë e skuadrës së parë të Romës.
