Nedim Bajrami më në fund u rikthye në formën e tij më të mirë, teksa në fundjavë ishte protagonist në barazim 2-2 ndaj Salernitanës me gol dhe asist.
25-vjeçari ishte edhe nismëtar i shumë aksioneve për skuadrën e tij duke merituar në fundin e ndeshjes, notën më të lartë te skuadra e Sassuolos. Paraqitja pozitive i bën vend Bajramit edhe në formacionin e javës në Serie A, të publikuar nga Goal Italia.
Lojtari i kombëtares ndan këtë 11-tëshe me emra prestigjiozë si Victor Osimhen, Rafael Leao apo edhe Frattesi e Mancini. Pjesë e formacionit ishte edhe Mërgim Vojvoda, lojtar i Torinos.
