Juventus do të tentojë të marrë fitoren e parë në këtë sezon në Seria A, në momentin e saj më të vështirë ndoshta të viteve të fundit. Bardhezinjtë do të luajnë në fushën e Spezias, por vendasit nuk i kanë besuar Rey Manajt në formacionin shartues për këtë ndeshje. Sulmuesi i Kombëtares sonë me shumë mundësi do të ketë hapësira në fraksionin e dytë.
Allegri në krahun tjetër ka bërë disa ndryshime. Në mbrojtje është rikthyer De Ligt në qendër, ndërkohë që De Sciglio ka marrë vendin e Alex Sandros. Në mesfushë Mckennie zë vendin e Locatellit, ndërkohë që Chiesa do të jetë në krahun e djathtë. Në sulm bardhezinjtë i besojnë dyshes Kean dhe Dybala, me Moratën që do ta nisë nga stoli.
